ԿԱՐԳ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐԻ ԽՐԱԽՈՒՍԱՆՔԻՆ ՆԵՐԿԱՅԱՑՆԵԼՈՒ ԵՎ ԽՐԱԽՈՒՍՄԱՆ
Հայաստանի Հանրապետության մշակույթի նախարարի խրախուսանքին ներկայացնելու և խրախուսման
1. Հայաստանի Հանրապետության մշակույթի նախարարը խրախուսում է շնորհակալագրով, պատվոգրով և Հայաստանի Հանրապետության մշակույթի նախարարության ոսկե մեդալով՝ մշակույթի, արվեստի, գրականության, կրթության, հումանիտար գիտությունների բնագավառներում, բարեգործական, պետական, հասարակական-քաղաքական նշանակալի գործունեության, Հայաստանի Հանրապետությանը մատուցած ծառայությունների, երկարամյա օրինակելի ու անբասիր աշխատանքի, ինչպես նաև վաստակած հանգստի ուղարկելու համար։
2. Հայաստանի Հանրապետության մշակույթի նախարարին խրախուսանքի միջնորդություն կարող են ներկայացնել նախարարի տեղակալները, աշխատակազմի ղեկավարը, աշխատա¬կազմի ղեկավարի տեղակալը, նախարարության աշխատակազմի կառուցվածքային և առանձ¬նաց¬ված ստորաբաժանումների ղեկավարները, պետական և ոչ պետական մշակութային կազմակերպություններն ու հասարակական միավորումները։
3.Հայաստանի Հանրապետության մշակույթի նախարարի խրախուսանքի վերաբերյալ առաջարկությունները Հայաստանի Հանրապետության մշակույթի նախարարին են ներկայացվում միջնորդություն ներկայացնող մարմնի (կազմակերպության) ղեկավարի կողմից։
4. Հայաստանի Հանրապետության մշակույթի նախարարը կարող է խրախուսել անձնական նախաձեռնությամբ։
5. Հայաստանի Հանրապետության մշակույթի նախարարի խրախուսանքին կարող են ներկայացվել ինչպես Հայաստանի Հանրապետության, այնպես էլ օտարերկրյա քաղաքացիներ ու քաղաքացիություն չունեցող անձինք, կազմակերպություններ և կոլեկտիվներ՝ բացառությամբ օրենքով նախատեսված դեպքերի։
6. Հայաստանի Հանրապետության մշակույթի նախարարի խրախուսանքին ներկայացվող անձի վերաբերյալ կարող են ներկայացվել մեկից ավելի միջնորդություններ։
7. Միջնորդագրի հետ միասին Հայաստանի Հանրապետության մշակույթի նախարարին են ներկայացվում խրախուսման առաջադրվող անձի՝
1) կենսագրական տվյալները,
2) բնութագիրը՝ ներառելով տարբեր ասպարեզներում մատուցած ծառայությունները և ունեցած վաստակը։
8. ՀՀ մշակույթի նախարարության աշխատակազմի կառուցվածքային և առանձնացված ստորաբաժանումների ղեկավարները 20-օրյա ժամկետում քննարկում և ամփոփում են Հայաստանի Հան¬րապետության մշակույթի նախարարի խրախուսանքին ներկայացվող՝ իրենց ոլորտին առնչվող կամ համակարգի մեջ մտնող մարմինների (կազմակերպությունների) առաջարկությունները։
9. Հայաստանի Հանրապետության մշակույթի նախարարի խրախուսանքին ներկայացված անձանց մասին միջնորդագրերը քննարկելիս կարող են պահանջվել հավելյալ տեղեկություններ, վերադարձվել լրացուցիչ քննարկման կամ չեզոք կարծիքի։
10. Հայաստանի Հանրապետության մշակույթի նախարարը կարող է վերանայել միջնորդված խրախուսանքի ձևը կամ մերժել միջնորդությունը։
11. Հայաստանի Հանրապետության մշակույթի նախարարի պատվոգիրը, շնորհակալագիրը, ՀՀ մշակույթի նախարարության ոսկե մեդալը հանձնում է Հայաստանի Հանրապետության մշակույթի նախարարը կամ նրա հանձնարարությամբ` համապատասխան ոլորտը համակարգող նախարարի տեղակալը կամ առանձնացված և կառուցվածքային ստորաբաժանման ղեկավարը:
Աշխատակազմի ղեկավար՝ Վ. Բարսեղյան
սկիզբ
վերև